< CAMP在中山--創造你傳奇 >

這躺中山之旅，實在是太好玩了~ 我能夠去到, 已經是個傳奇。很久都沒那樣開心了，可以忘記香港的事，很relax~ 比去旅行還要開心~

第一天, 放工因為趕去買潛鏡又忘記帶八達通, 原本約八時火車站, 但我遲到了..大家等我真不好意思~ 唉, 深圳勁多人, 過完關已經九點幾, 尾班車上中山的票已經賣晒, 一大群人在等唔知有無的加班車, 大家心裡忐忑不安, 難道要回頭嗎? 感覺很像那些春節回鄉的民工, 準備擁上車。去到星辰花園, 加上清潔地方, 梳洗沖良, 已經點幾兩點了, 再來一個晚禱, 分享了大家"最值得慶賀的一件事", 感覺好warm啊~ 之後, 成班男的都看世界杯, 女的有的睡有的打機, 咁就一晚...

第二天, 九點多起身, 第二批團友抵達, 佢地六時半係上水出發, 看見他們就覺累...
我地食左早餐, 就玩遊戲, 大家互相寫欣賞+祝福; 再來一個室外活動, 一下子已經"汗流浹背", 說起來真的很久沒有" 和陽光玩遊戲"了, 感覺都幾爽~ 中午去會所茶樓吃飯, 也不錯~ 中午由於太陽太猛烈了, 完本安排的游水和踏單車, 改在家裡煲" 帝國驕雄" 或 NDS大戰, 但我偷偷去睡了一會~嘻~到六時多, 牧師同阿良先走, 我們也順便去飯店吃飯, "源一", 不過不失啦~ 倒是回家那條路很黑, 自己一個人應該不敢行吧~晚上大家分享見證, 一個感人的場面, 到我時忍不住哭了出來, 我發覺自己不是一個人, 團友是因我而識我, 而不是因為我是某朋友的朋友....超感動~~ 跟著又是等世界杯時間, 八卦了很有趣的事件~ 幾時到我分享呢? 三時多, 世界杯, 我捱左一陣, 頂唔順..訓..又一晚..

第三天, 早餐食杯麵, 食完靈修, 之後就出發到中山的教會崇拜, 感覺幾特別, 畢竟是在國內而且廣東話+普通話, 亦估不到那麼多人來聽, 我想...在香港是不是很幸福呢? 要珍惜呢? 中午, 行左好耐先到酒樓食飯, 餓死了, 又熱, 不過餸菜好食~尤其什麼" 雪山飽"?? 真的一讚~ 正~ 不過...國內的酒樓無下午茶, 兩點師傅落場, 好多野都無得食, 又關掉很多燈....無癮..之後逛了一下超級市場, 買一點乾糧上車食, 我地就回家, 佢地開"扭扭樂玩, 我齋睇都笑到碌地~ 之後大家執屋執物準備撤退, 竟然仲有時間出去影少少相, 正~~ 之後, 8:00pm就起程回香港了~

咁就玩完3日...好唔捨得啊~~又要返黎殘酷的現實..苦~ 要快d改變下~

* 19/7 -22/7 教會奮興營, 我要去嗎?
* 羊，多謝您遠方的鼓勵~ 我很遺憾上年" 向左走, 向右走" 我不能出席; 我相信一定很是很難忘吧~~ 我期待下一次你回來和我們一起去玩~