< 隱形鬥室 >

尋日團契分組活動，最後一齊去左旺角睇"隱形鬥室"，唔~真係好好的經歷，這原是一個佈道會呢~ 我好像重新得到一點點力，心情輕了~~好多謝" 摩打手"推介我睇呀~ 故事講一個患上抑鬱症的社工同一個剛剛訓練完的輔導熱線義工。估唔到抑鬱症咁恐怖，可以令人去有計劃而不動聲息咁去自殺，又發現原來社工都會有唔識安慰自己的時候，甚至難以被其他人輔導(社工太清楚輔導技巧了)，幸好最後被上帝安慰，沒有尋死。好記得那位社工被義工安慰的那一幕，社工話沒有人明白她，她已經好努力但做唔好, 係自己無用同好累....那時那句，就好像我自己的情況一樣，由細到大我都好想出人頭地，證明被人睇自己係得既，唔想成日被人話我蠢，但好多時都做唔好就覺得自己好沒用，真係好累好累...不過義工講，你無須做任何事，上帝都會愛你，你活著對上帝來說是極寶貴~ 我覺得好像自己也被上帝安慰了~感謝上帝~ 還有，我發覺原來在某些情況下要同人講"我明白你感受" 這句時，是要負責任的，因為，你沒有試過那種淒慘的經歷，你可以明白嗎? 別人聽起來，只會覺得討厭~ 所以，這樣說之前，真的要想清楚!!