< 熟醒熟醉? >

...星期六, 我記得我問一個朋友, 如何可以思想積極一點呢?
她, 是一個樂觀開朗又有趣的女仔, 她說: " 唔好諗得咁悲咪得lor~~哈哈~ 其實, 我覺得你太認真啦~ 有時做事唔駛下下咁認真既, 太認真, 咪唔好玩lor! 好辛苦架~ "
哈哈~ 也說的對吧, 我是太認真, 太謹慎了, 總是小心翼翼, 不想給別人看到自己"衰左"的一面, 其實, 有時侯, 可以有限度地"放縱"一下吧, 記得有人講過: "做人應該七分醒留三分醉", 也許是對的~ 我想...我要好好學習一下了~~

30/6 --2/7 中山camp, 密切期貨, 萬勿錯過~~
我真的希望我可以" 平平安安的出發; 平平安安的歸來"~

< 做什麼..? >

...很久沒有寫日記了, 其實有很多事也都值得寫下來的, 只是人總是提不起勁去做, 人, 像沒有了重心似的, 好像越來越搞不清楚, 到底那些事是自己想做; 那些又是"順應民意" 而做? 自己想要是什麼呢? 只知道自己在"混日子", 得過且過, 什麼事也不想理, 唔想做。甚至....唔想同人交談, 好像怕別人知道自己懶惰, 我知道很多人很關心我, 鼓勵我, 我越是覺得很難面對朋友們, 我真的很討厭自己這副窩囊的樣子, 我是不肯接受自己, 我真的害怕知道自己是真的那樣不堪, 我努力著讓自己做得更好, 去做別人覺得我應做的事, 但有時好像有心"扭計", 不太想做, 有時又唔俾自己去想自己的意願, 到頭來....好像越來越唔知自己想點了, 很煩耶....我這份人真的有很多缺點, 誰可以告訴我, 我的人生路應如何走下去呢?

可欣, 我很真很感謝您, 您對我太好了, 我"受寵若驚"呢...感謝你, 真的感謝你..

< Stable = Unchange or Equilibrium? >

...今日表妹來我家, 很久沒有和她談話了, 大家都為了前路而愁悶, 不過我知道她一定很快便找到好工~ 一直以來我都覺得表妹好叻, 除了客觀因數( hku出身)之外, 見她平時的言行就知她是一個很聰明的女仔, 而且她又積極又良善, 每次跟她談天總有意想不到的收穫, 真的很愉快~ 今天她又說了一番話, 令我思想有一點漣漪...現在我常常想著轉工, 但總是想現在的工作是夠穩定, 不過她說的很對, 她也想有stable的工作, 但不是一成不變(unchange), 而是一個平衡的狀態( equilibrium)~ 對!! 我也想是要這種工作呀~不是每天機械式的工作, 我現在所對著的, 就是這種沒意義、死板的工作, 我要離開! 趁著還有一點點毅力, 我一定要走! 越快越好! 我要創造我頭頂上的一片晴天!!

* 森, 多謝您, 很久沒有人對我說degree holder 是一件了不起的事了; 多謝您鼓勵我不要看少自己, 還要多謝您覺得我是有價值, 有能力的; 我會努力....

< 暱稱 >

...近來發覺, 自己原來有很多個名, 不同的朋友就有不同的叫法, "花紋虎" , "fafa" , "Afaf", "艾花", "阿花", "小花"...等等。真是有時都不知道是否在叫我呢~ 只要不是太難聽, 其實我也很喜歡這些暱稱, 因為不是隨隨便便就可以這樣叫我, 這代表要有一定的交情的~ 對方一定當你是好朋友, 你也是當對方是真朋友, 才有特別的稱呼, 而且不同的名子, 代別著不同的朋友, 不一樣的交情, 有趣得很~~ 換轉是普通的人...例如同事, 請叫我的英文名吧, 否則我不會應你的~ 所以, 這樣稱呼我, 特別有親切感, 很close的感覺, 我很喜歡這樣的感覺呢~ 數著自己有多少個"名子", 就覺得自己很幸福有很多好朋友~ 所以, 我也喜歡替朋友改一個"暱稱", 以表示"友好" 哈哈~ 希望朋友不會介意啦~

< 過冷河; farewell飯 >

昨天下午很焗熱, 教會朋友提議游水, 好啦, 一鼓作氣去啦~點知去到又大雨又大風, 水凍到死, 但已經買左飛又著晒游泳裝, 成班人唔識死照游，這就叫"青春"吧~ 嘩~凍到個身簡直唔可以露出水面，雖然已經係咁游，但係個身都不停咁震...個咀唇開始變成紫了~真難忘!但游完好似做物理治療, 個"硬"頸同肩膀都鬆了,好爽!!

唔...個同事明天就走了, 今日同佢同另一個同事食晚飯farewell, 嘩! 一傾四個鐘, 連"火舞黃沙"結局都睇唔到...唉,不過值既, 以後唔知有無機會見面, 佢係我唯一一個係另一dept識的人, 佢好搞笑, 又有骨氣, 又唔會假, 同我傾到偈，唉~佢走埋我就悶死了, 雖然唔想, 不過我知道這裡真是非人生活, 遲早變得勁虛偽, 希望佢新工開開心心啦~~ 我想..我都要快點走....不然的話...我分分鐘"變態"....

< 隱形鬥室 >

尋日團契分組活動，最後一齊去左旺角睇"隱形鬥室"，唔~真係好好的經歷，這原是一個佈道會呢~ 我好像重新得到一點點力，心情輕了~~好多謝" 摩打手"推介我睇呀~ 故事講一個患上抑鬱症的社工同一個剛剛訓練完的輔導熱線義工。估唔到抑鬱症咁恐怖，可以令人去有計劃而不動聲息咁去自殺，又發現原來社工都會有唔識安慰自己的時候，甚至難以被其他人輔導(社工太清楚輔導技巧了)，幸好最後被上帝安慰，沒有尋死。好記得那位社工被義工安慰的那一幕，社工話沒有人明白她，她已經好努力但做唔好, 係自己無用同好累....那時那句，就好像我自己的情況一樣，由細到大我都好想出人頭地，證明被人睇自己係得既，唔想成日被人話我蠢，但好多時都做唔好就覺得自己好沒用，真係好累好累...不過義工講，你無須做任何事，上帝都會愛你，你活著對上帝來說是極寶貴~ 我覺得好像自己也被上帝安慰了~感謝上帝~ 還有，我發覺原來在某些情況下要同人講"我明白你感受" 這句時，是要負責任的，因為，你沒有試過那種淒慘的經歷，你可以明白嗎? 別人聽起來，只會覺得討厭~ 所以，這樣說之前，真的要想清楚!!

< 喉嚨痛 >

...今天一起身，個喉嚨已經好似撕裂一樣的咁痛，心想不妙了。好唔容易返到公司，開了一杯暖鹽水來喝，又喝了幾杯暖水和綠茶，中間還吃了薄荷糖，個喉嚨才舒服一點，幸好未至於是發炎，若不是就慘了。不過我今天一身酸痛的很利害、很累，是太熱氣吧~ 本來掙扎要不要請半天病假，但最後都過唔到自己，都係"hair"到放工即走人，連跳舞堂都唔上，吃了一盅龜苓膏訓左陣，先好一點...唉，我想是近日吃了太多熱氣野，又食蟹，天氣又熱又濕，令我這"陰虛內熱"的人更辛苦...唉，我本來皮膚就唔好，個人成日發滾，加上"肝鬱氣滯"，令"陰虛"情況更嚴重，食少少熱氣即刻唔得...我要介下熱氣野啦，要身體好皮膚好，再轉份好工! 唔....而家手頭上的工作又清晒，唔知做乜，悶死人。