< 恭喜發財 >

( 今年係旺角花市的戰利品~正)

年又過年~~共慶歡樂年年~~~
新一年希望大家事事順意!! 得心應手!! 心想事成!!
最緊要緊係身體健康!! 事業愛情兩得意!!!
萬事大吉!! 主恩常在!!
希望大家都找到人生目標，路路暢通~~~

< 新造型 >

...終於"的"起心肚肝去剪左髮了~ 哈~ 成個髮型唔同左，唔知d朋友見到我會點呢?? 哈哈~好想睇下佢地d反應，佢地會覺得好睇定唔好睇呢?? 我自己就覺得"感覺良好"了~~唔，終於都明白點解d人失戀時會去剪髮，可能自己近日都唔太開心啦，所以感覺好特別，睇住d頭髮剪落黎，好似將d唔開心都剪走埋，真係 " 煩惱絲"~哈~ 完成後見到轉左髮型的自己，好似變左另一個人咁，一下子心情輕鬆了不少，仲有好有自信、好開心咁走出髮型屋! 唔，呢個經歷好特別，從來無想過自己整個咁的髮型，整緊那時好緊張呀~~唔知會變成點，不過結果很好!好有成功感呢~~
好~第二個目標又完成了~ 我還要努力，仲有好多目標要完成架!!希望順利啦~~

今年，我覺得我會有好大的突破.......??!!

< 抑鬱 >

...一向都知道自己是個悲觀的人，還有就是沒有自信，以為只會令我容易情緒低落，卻沒有想過...可能會有抑鬱，還好，發現得還不算遲吧。

最近，可能是工作及家庭經濟壓力的關係，而且積蓄又差不多花光了，心裡很沒安全感，情緒很低落，又容易發脾氣，又容易想喊，又會覺得自己在世界上無價值，完全失了方向，好孤單，甚至想"一走了之"，什麼也不理。我越發覺這樣下去，很不妥，我會將自己收埋的...我開始懷疑自己會唔會有抑鬱? 於是我上網找一下抑鬱的資料，找到了一個很好的網頁 ，資料很齊全，不過...我看過抑鬱徵狀，又填了那份問卷，結果令我驚訝，不但我有若干徵狀，二十題的分數加起來，我有25分，抑鬱的程序也算是嚴重，那一刻，好驚，但慶幸自己還是理智的，願意"尋問及解決" ，我找到了原因，就是家庭經濟壓力+工作環境:


專門工作 --> 員工對單一工作感到單調沉悶，漸生壓力
工作重複 --> 沉悶、磨蝕創意，員工對工作日趨冷淡
低技能需要 --> 員工的學習渴望受抑制，感到沉悶、冷淡
人事交流低 --> 員工缺乏人際支持

我真討厭這份工作，但因為家庭經濟壓力，又缺乏自信的情況下，我不知道如何是好，矛盾心情是令我抑鬱的導火線吧~ 但是...
我慶幸，我有上帝，有天使 (弟兄姊妹 + 朋友)，我知道我不至於放棄自己，總有出路;
我慶幸自己及時發現，承認接受，我知道我可以邁向堅強;
我慶幸自己喜歡閱讀，尋找資料，我知道我是有把握解決~

真的，知道自己開始有抑鬱並找出原因尋求解決，倒可以鬆一口氣，不用浪費心思想自己為何"情緒失控"而更唔開心，反之可以逐步走出困境。只是...我真的想放鬆一下自己，不想再加添責任，好辛苦。

現在，我真的想學太極，令自己可以做做運動、輕輕鬆~
p.s. 朋友們不用太擔心，我會沒事的~ 情況沒那麼嚴重呢~~
( http://www.depression.edu.hk/)

< 決心‧行動‧遺失 >

...我今日幾經辛苦，終於都把房間收拾乾淨了~ 算是把06年的第一個目標完成，望著整齊的房間，好有滿足感~不過還可以再收拾好一點，再有假期才做吧! 我突然覺得，只要訂下目標，動手去做，其實真的做到的!! 這讓我覺得我唔可以再拖，應該快點去訂多一些目標，再付之行動，第一樣...應該是想一想自己何去何從吧~ 我真的想走，但上帝又想我是怎樣呢??我真的好想知道~ 今年我真的好想好想有大突破，像一個"新造的人"，不但外表，還有性格上的弱點~~ 我希望自己真的可以做到，並多多依靠上帝，要 "脫胎換骨"!!!

...不過....今日收拾房間，發現遺失了團友借給我的一隻碟，我不知道如何對她說...真的很對不起啊...再沒有後備的碟...怎麼辦??對不起呀..........

< 搞活動 >

....終於都完成第一次的活動了，總算是順利吧。經過幾個月努力，而家算是做到了，可以鬆一氣了，距離下一次有一個月時間去準備，可以暫時輕鬆一下吧...這兩個月對我來說，為了這個活動，我簡直就像生活在地獄般，之前我毫無經驗，又無人lead住你做，d行政又勁麻煩，個場可以book到星期日但竟然無staff返工"睇場"，很討厭... 之前好多準備工夫又有d意外，搞到勁趕，又驚做唔切，又驚到時無人黎，又驚有錯漏，又唔想麻煩其他同事，真是每天都筋疲力竭，心裡壓力大到死，除了公眾假期，無幾晚訓得好，無乜人幫不特止，仲要成日俾d同事"淋冷水"，說什麼 ". 唔會有人黎".." 都幾失敗lor.."..真是好氣餒，又因無經驗而有好多錯漏，覺得自己好無計劃、好無信心。我真係好唔開心，覺得個世界好灰、無人關心自己，好低落，成日問自己 " 係咪我的問題?" 失晒信心，我好想逃離，好想收埋自己，每日都唔想返工。

雖然係咁，無可否認這是一次很好很好的經驗，學到很多東西，相信對我將來是很有用的...只是..過程太坎坷了...很辛苦....亦很深刻...

好想同星期六的團契組員講聲對唔住，係分享05年一d開心/ 唔開心的事時，一時激動而喊左出黎，其實唔係那件事令我咁唔開心，只是近來太唔心，一時忍唔住，借機發洩左..真是好抱歉呀..
亦感謝上帝，雖然辛苦、艱難，但祂帶領我跨過了，哈利路亞!!

< 2006 --不再兒戲 >

2006年已經到了~ 新一年好應該有個新好開始吧!! 每次新年，我都有好多好多新年願望，但人大了，還是該踏實一點吧，要真的好好計劃這一年可以如何利用，不可再浪費青春時間了...因為真的老了，還在發夢嗎? 所有迷茫、逃避及孩子氣都應該與2005年一同過去吧~

好!! 艾花!!不可再兒戲了!!人生路要重新起程了!!! 努力!!前進!!
2006年，我期望:
1) 不再任性
2) 找份合適工作
3) 對信仰要更忠誠、更順服
4) 每天要讀到一篇聖經
5) 同家人可以起碼提到福音
6) 人生要更自主、更有自信 (懂得愛自己)
7) 找到人生目標( 起碼有點頭緒)
8) 如何可以.......找到個伴就更prefect!!
哈哈哈~~~好貪心，但我會努力~~